Vururi wa Kenya niwandikithitie arwaru aceru 1,006 a murimu wa COVID-19 vuva ya ithimi 5,584 rungu rwa mathaa 24 mavituku varia gicunji kia arwaru iu ni 18 vari igana.
Thiini wa ndumiriri yaao muthenya wa umnthi, ruvonge rwa ugima wa mwiri nimaugite namba ya arwaru ikinyite 199,941 nacio ithimi iria ciekitue ni 2,109,581.
Kaunti ya Nairobi niyo yandikithitie namba nene ya arwaru mari 391, Kiambu 121, Kilifi 87, Kajiado 56, Mombasa 46, Nakuru 42, Uasin Gishu 37, Busia 26, Murang’a 24, Machakos 18, Kericho 14, Nyandarua 13, Taita Taveta 11, Kirinyaga, Migori arwaru 10 wa kaunti, Bungoma, Nyeri arwaru 8 wa kaunti, Lamu, Siaya, Turkana arwaru 7 wa kaunti, Laikipia,Tana River, Nandi, Garissa arwaru 6 wa kaunti, Kitui 5, Baringo, Meru arwaru 4 wa kaunti, Bomet, Kisii, Embu, Kwale, Vihiga arwaru 3 wa kaunti, Kakamega, Kisumu arwaru 2 wa kaunti, nacio kaunti cia Makueni, Narok, Trans Nzoia, West Pokot, Elgeyo Marakwet, Homa Bay na Isiolo ikiandikithia mundu umwe wa kaunti.
Kavindari wakau andu 13 nimakuite na cionthe ni ikuu iria ciacererue kumenyithanua na iria ciumirite tariki ngurani mweri uyu. Ikuu ikinyite 3,895.
Wauguo arwaru 261 nimavorete varia 228 marekereretue kuuma mathivitari matiganite naao 33 maramenyagirirua miciiri yaao.
Namba ya aria mavorete ni 187,824 varia 149,788 maumite muvangori wa kumenyererua mucii naao 38,036 makirekererua kuuma mathivitari matiganite guku vururiri.
Kaari wa Mugendi
Mbica irutitue online
