Igoti rinene niriathanite andu 75 aria maari arutwa a Technical University of Kenya niyo TUK, kurivwa ciringi million 15 niundu wa kuvewa degree cia engineering iria itatamburitwe ni board ya maengineer Kenya undu uria utumite mature mawira.
Andu ama meetitwe gwika kosi cia engineering ni University of Nairobi niyo UoN nwati macoka kuvewa degree ni TUK, undu uria mateerigiririte. Matonyire cukuru gatagati ka mwaka wa 2009 na 2011, riria Kenya Polytechnic na iria yacokire gutwika TUK yaari ruvua rwa UoN.
Maugite mativotete kwona mawira niundu kosi cia engineering cia TUK ititamburitwe ni board ya maengineer Kenya.
Njanji James Makau agitua itua riri niwathite TUK kuvecana maritwa ma arutwa ama kuri UoN niguo magekirwa mutaratarari wa arutwa aria makavewa nthumbu thiini wa igongona riria rigauka ria graduation.
Mbica irutitwe online
-Mbuya Ngari-
