Anduarume ana igoro nimaratwirirwe kuuragwa kuvitukira gucurua ni igoti ria Wang’uru kauntiri ya Kirinyaga vuva wa kwonekana na mavitia ma kwiya kia vinya.
Isaak Kariuki, Kennedy Gachoki, James Gitonga na Christopher Bundi morotetwe na kwiira kia vinya mutumia umwe muvuri mbiacara na ritwa Margaret Wanjiku Mwangi, ciringi 200,000 iturari ria Ndindiruku tariki imwe mweri wa mugwanja mwaka wa 2018 na vuvari kumuuraga.
Njanji Gerald Mutiso augite uira uria uvecanitwe igotiri wonanitie ekuirwa ama nimo magerire ngero ino na kwathana mauragwe kuvitukira gucurua.
Makiyaririria, ekuirwa ama maugite nimaverete na mauria igoti kumegwira ntha makimatuira matua.
Kunari uguo njanji uyu augite watho uugite ngero ta ino ivatie kuverithua na kuuragwa.
Mbica irutitwe online
-Mbuya Ngari-
