Andu 11 nimaratigirwe na ngurario njuku igoro kivwai vuva wa mutino gwikika gatagati ka ambulance ya thirikari ya kaunti ya Kirinyaga na matatu ya NENO sacco.
Kuringana na komanda wa vorithi wa gicigo gia Gichugu nike Anthony Mbogo, matatu ino iria irari na andu 9 irathiite ya Embu kuma Nairobi nayo ambulance ithiite Kerugoya kuma civitari ya Embu.
Mbogo augite ndereva a ngaari ino cioiri nimaragire ngurario njuku, nwati mavinyurua civitari ya Embu wa vamwe na andu aria 9 marakuitwe ni matatu ino.
Kuringana na munene uyu wa vorithi ni ati murwaru uria urari ambulanciri ndanativua.
Riu andu aria maturite vakuvi na varavara ino ya kuma Mwea kuthii Embu nimauritie thirikari gwikira bumps niguo kurigiriria mitino iria yongererekete varavarari ino na wavo kuuria matereva gukorwa metho.
Mbica irutitwe online
-Mbuya Ngari-
