Vururi wa India umunthi Jumaa tariki 30 mweri wa mugwanja mwaka wa 2021 niwandikithitie arwaru engi aceru 44,230 a murimu wa covid-19, iria niyo namba nene muno vari ciumia ithatu.
Vururi uyu wagumiritwe ni muthemba wa covid-19 wa Delta gatagatiri ka mweri wa kana na wa gatano nwati vuvari muthemba uyu wanyiva. Riu niwambiriritie kwongerereka ringi.
Aria monekanite na murimu uyu guku India ni million 31.57 ino ni kuringana na ndumiriri iria ivecanitwe ni ruvonge rwa ugima wa mwiri. Aria makuite gugikia umunthi ni andu 555 namba iria itumite ikuu ikinye 423,217.
Kuringana na ataalamu a ugima wa mwiri, maugite mweri wa ikumi kuri na uvotekeku vururi uyu kugumirwa ni mututhuko wa kathatu.
Riu mauritie ekari a vururi uyu kuvewa njanjo nevenya niguo kurigiriria murimu uyu kumanyamaria makiria.
Mbica irutitwe online
-Mbuya Ngari-
