Gicuji kia aruaru a murimu wa covid 19 muthenya wa umunthi gikinyite 13 vari igana ino ni vuva wa andu 945 kuonekana na murimu wa covid 19 muthenya wa umunthi namba iria yumite kuma kuri ithimi 7,295 iria ciikitwe rungu rwa mathaa mirongo iiri na manna mavituku.
Kuma kuri namba ya umunthi akenya 910 nao 35 maumite nja ya vururiri , 481 ni anduarume nao 464 mari atumia , uria munini muno ni mwana wa mieri 11 nake uria mukuru muno aina ukuru wa miaka 100.
Namba ya aria manyitikanite na murimu wa covid 19 vururiri ikinyite ngiri magana mairi ma umwe , magana kenda ma mirongo itano na anna nacio ithimi iria ciikitwe igikinya millioni ingiri , ngiri igana rimwe ria mirongo iiri na inya , magana mairi ma mirongo mugwaja na inya.Thiini wa kaunti iria ciandikithitie aruaru kaunti ya Nairobi 416, Mombasa 73, Kiambu 72, Kilifi 52, Nakuru 43, Kajiado 33, Uasin Gishu 29, Makueni 28, Machakos 26, Murang’a 25, Kitui 13, Busia 12, Baringo 12, Kericho 12, Kirinyaga 11, Migori 11, Lamu 9, Siaya 8, Garissa 8, Homa Bay 7, Kisumu 5, Nyandarua 5, Trans Nzoia 5, Narok 4, Nyeri 3, Kisii 3, Kakamega 3, West Pokot 3, Marsabit 2, Bungoma 2, Taita Taveta 2, Elgeyo Marakwet 1, Kwale 1, Laikipia 1, Mandera 1, Meru 1, Vihiga 1, Bomet 1 na Isiolo 1
Woguo andu 216 nimavorete rungu rwa mathaa mirongo iiri na manna mavituku , varia 152 maramenyagirirua mari miciiri yao nao 64 makiuma mathibitari matiganite vururiri.
Kunariuguo andu ikumi na atandatu nimatoretue ni murimu wa covid 19 muthenya wa umunthi na gukwa na gukinyia namba ya ikuo vururiri iri ngiri ithatu , magana kenda ma mirongo iiri na ithathatu.
Mbica irutitwe online
Mwende Jackie
