Thirikari wa Kenya niuritue kunyivia marivi ma ituo cia kurungira mitugo na kuvecana mataro.
Ndeto ino yukite vuva wa uthuthuria kwonania wongerereku wa ikuo cia andu ciumanite na njira ngurani cia kwiruta mwoyo.
Akiaria na kameme ga Kimuri FM, John Mugo Mate, mwenegiti wa ruvonge rwa Onjoria Embu rungu rwa Kenya Chambers of Commerce and Industries niuvete andu vinya na kumatara uria mangika riria mathina marauka.
Undu uyu niwikiritwe vinya ni mwonjoria tauniri ya Embu Kanyi Wa Maina uria agwetete vata wa wigucano gatagatiri ka muciari na mwana wake.
Kuringana na mutaaramu wa maundu ma meciria Margret Rwamba Muriuki, niati andu engi meyuragaga niundu wa gutura wendo na maundu mengi tauria agwetete.
Uthuthuria uria wikitwe ni ruvonge rwa uthuthuria wa wiki nae wonanitie vanduri va mieri ithatu mithuru andu mirongo iri nimerutite mwoyo countiri ya Embu guku andu 483 makiruta mwoyo Kenya ngíma.
Mbica irutitwe online
Maitha Ngari
