Curfew ya kwambiriria thaa inya cia utuku nginya tha ikumi cia kirauko nikuthii nambere niguo kurigiriria gutamba kwa murimu wa Covid 19.
Akiaria muthenya wa umunthi minista wa ugima wa mwiri Mutahi Kagwe augite muthemba muceru wa corona virus wa Delta nutambite vururiri .
Wauguo Kagwe augite micemanio yonthe ya mwingi ti mitikirie ari vamwe na micemanio iria ikikaga oficiri na ya giuteti .
Wanagukorwa nyomba cia mavoya nicitikiritue kuthii nambere kuvingurwa Kagwe augite mawatho maria mavecanitwe ni ruvonge rwa ugima wa mwiri nwanginya marumirirwe .
Nao aria mandikanite nimauritue gwitikiria aria mandikite kurutira wira miciiri angikorwa matiravecana utungata wavata muno
Namo mathiko magakorwa magikika mathaa 72 vuva wa gikuo kwonekana .
Kagwe augite mwiri gwikara utathikitwe nuracangirira micemaniao mingi ya nadu makivanga mathiko nogu gutuma murimu gutamba .
Wauguo mwingi nuritue kurega kuvuthiriria mawatho ma kwigita na murimu wa Covid 19 ma gwikira ngunika kanua na maniuru, gwikara varaca na mundu uria wingi na kwithambia njara na manji maretika
Wanja wa Njiru
Mbica irutitwe online
