Kieva nikigumirite itura ria Gatituri ward ya Mbeti North county ya Embu vuva wa ekari kwithira mwiri wa mwiritu umwe utetwe kithakari iturari riu muthenya wa aramici tariki 29/07/2021 mathaari ma thaa igiri kivwai.
Makiaria na metha ya movoro ya Kimuri Fm, ekari a itura riri nimaugite marekuira mwiritu uyu uria uramenyeka ta Njeri wa Ireri auragitwe ni uria wari muthuri wake na uria matiganite.
Ekari ama riu marakaira thirikari kumatia ugitiri iturari riri guku makiuga ti indi ya mbere kuragwa mundu na gutewa kithakari wakiu na wauguo kuuria uthuthuria wikwe nevenya niguo kumenya kiumo kia gikuu giki.
Kurumirira ikuu nyiingi cia andu aria mendanite kana aria matiganite thiini wa kiviko niwega mundu kwithema gucemania na endwa ao a tene kundu guku kwithithu tondu engi marakorwa na meciria ma ungoma.
Mbica irutitwe online
Njagi Ndathi
