Aria maragitira nthumbi ya ligi ya vururi Gor Mahia kana Kogalo nimathurite Mark Harrison kuuma ngeretha ta coach waao muceru.
Coach uyu urua wiina miaka 60 arakinyire guku vururiri muthenya wegoro na avangiritue kuthundurwa matuku maukite.
Ikinyo riri riocetwe gwicuria mweke uria watigirue ni coach kuuma Portugal Manuel Vaz Pinto varia atiganire na kiravu giki vuva ya kwigucanira naao.
Mwenegiti wa Gor, Ambrose Rachier augite mathurite Harrison niundu wa werewa wake wa muvira wa maguru gitaruri kia Africa.
Harrison agatethererua ni Sammy ‘Pamzo’ Omollo uria ukoretwe akirugamirira timu ino kuuma Vaz Pinto auma kiravuri giki.
Harrison ari muthaki wa iravu cia Southampton na Stoke City na niakoretwe Africa ari coach iravuri 13 na gatagatiri ga cio ni Chippa United, Golden Arrows cia South Africa, Harare City na Highlanders FC cia Zimbabwe undumwe na Township Rollers ya Botswana.
Kaari wa Mugendi
Mbica irutitue online
