Gikeno nikionekanite Diocesiri ya Embu umunthi Jumamosi tariki 31 mweri wa mugwanja mwaka wa 2021 vuva wa kirathimo gia gukunurwa kwa maseminario athatu aria riu matwikire madeacon igongona riria rikikirite kanithari wa athure Peter na Paul Cathedral Karurina.
Agitongoria igongona riri muthikavu Paul KariukI Njiru niuritie akristo gutethereria athatu ama aria ni Luka Kariuki, Timothy Gitonga na Isaac Mwai niguo matungate Ngai na njira iria yagirire, nwati ti kumaruta wegari wa Ngai.
Muthikavu Kariuki niumauritie kuigwatania na Mwathani niguo mavote kuithema na mathina maria magacemania namo kuvitukira kuvoya na gutura uturo mukinyaniru.
Wavo niumauritie gukorwa kionereria kiaro kuri akristo niguo wanamo matigatume akristo maume wegari wa Ngai niundu wa gutura uturo utari muthingu, ikiririkanagwa nimoocire mivitwa ya gutungata kirindi kia Ngai na gukionereria njira iria yagiririkite ya kumakinyia uturori wa tene na tene.
Muthiari, muthikavu Kariuki niumatumite Parishiri itiganite niguo gutungatari Ngai kuo. Luka Kariuki atumirwe parishiri ya Kairuri, Timothy Gitonga agitumwa parish ya Mbiruri nake Isaac Mwai agitumwa parish ya Kirie.
-Mbuya Ngari-
