Senator wa kaunti ya Baringo Gideon Moi na mutongoria wa kiama kia KANU niwaniririte niukaruira giturwa kia rais mwaka muku agicaria mweke wa guoca wathani kuuma kuri rais Uhuru Kenyatta.
Moi aranirire undu uyu muthenya wegoro cukururi wa eritu wa Ruth Kiptui mwena wa Baringo North vindi ya igongona ria gucokia ngatho.
Navau kavere Moi niukoretwe akiurua ni mumbunge wa Baringo North William Cheptumo atige guoya na anirire wendi wake.
Riu agakorwa agicandanira giturwa giki kia urais na Moses Wetangula, Musalia Mudavadi na Kalonzo Musyoka.
Wiingi uracindanira giturwa giki ni munini wa rais William Samoei Ruto guku mutongoria wa kiama kia ODM Raila Odinga agietererua guoca itua.
Kavindari wakau kiama kia Ford Kenya nigiocete itua ria kuuma muuganori wa NASA. Mutongoria wa kiama giki, Moses Wetangula nike waniririte undu uyu vuva ya mucemanio wa kanju nene ya kiama giki umunthi.
Kaari wa Mugendi
Mbica irutitue online
