Mumbunge wa Kimilili Didmus Wekesa Barasa niwikitwe ngono ni maavitha a vorithi jumatatu tariki igiri mweri wa kanana 2021 vuva wa mbica yake kwoneka agikuna mundu uria aavete kandarathi cukururi wa musingi wa Baptist Lurare Kamukuywa.
Commander wa vorithi wa county nini ya Kimilili Mwita Marwa niwikirite ndeto ino mukonde varia augite niwamukirite form ya P3 kuma kuri Stephen Masinde uria wavetwe kandarathi.
Ngucanio ciambiririe vuva wa uria wavetwe kandarathi vamwe na Ronald Graham Wafula kuvinga irathi ithano iria Barasa aukite kuvingura na makiuga mumbunge uyu ambe amarive million 3.4 iria matumirite kwagirithia irathi ino.
Wagirithia wa irathi ino warungamiriritwe ni thirikari nene kuvitukira kigiina kia CDF.
Kurumirira gicanjama giki Masinde niwandikithirie ndeto ino gituori gia vorithi gia Kimilili na vuvari agikoma civitari ya Kimilili.
Barasa ekirwe ngono ari gwake mucii Nasianda Kimilili na akathitangwa na gutivangia Masinde mwiri.
Mbica irutitwe online
Njagi Ndathi
