Mumbunge wa Kimilili nike Didmus Wekesa Barasa umunthi uyu niukinyitue igotiri akiorotwa na mavitia ma gutivia mundu umwe uria wavetwe kandarathi.
Mumbunge uyu orotetwe na kutharikira Stephen Masinde na uria wicikene muno ta Steve Kay tariki 30 mweri wa mugwanja mwaka uyu cukururi wa mucingi wa Lurare Baptist.
Kunari uguo Barasa ari mbere ya mucirithania wa igoti ria watho ria Kimilili Gladys Adhiambo niureganite na nthitango ino.
Riu niurekereretue na bond ya ciringi 150,000 kana bail ya mbeca varivari 100,000. Ciira uyu ukagwetwa ringi tariki 27 mweri wa kenda mwaka uyu.
Akiaria na andiki a movoro vuva wa itua ria igoti, wakiri wa Masinde nike Brian Khaemba augite kivoto kivatie kwonekana.
Mwenari wake mumbunge Barasa augite ciira iracukumwa ni ndeto cia uteti na iria itongoretue ni wakiri Khaemba uria augite arenda gugoca giturwa giki kia umbunge kia Kimilili.
Mbica irutitwe online
-Mbuya Ngari-
