Andu kenda nimakinyitue igotiri Milimani vamwe na William Mwangi Wahome uria nike murugamiriri wa kigina kia CDF ya gicigo mbunge kia Mathira gucokia ciira wa ungumania.
Kenda aya ni William Wahome Mwangi, Anne Nduta Ruo, Julianne Jahenda Makaa, Samuel Muremi Ireri, Grace Wamboi Karoiki, Lawrence Kimaru, Irene Wamboi Ndigiri, David Reuben na MS Rapid Medical Supplies Limited mathitangitwe vamwe na mumbunge wa Mathira Rigathi Gachagua ciirari wake wa ungumania.
Andu aya mai mbere ya mucirithania Rose Makungu mathitangirwe na mavitia mengi vamwe na ria kwiiya indo cia mwingi.
Mucirithania Makungu augite ciira cia ekuirwa aya ni cia million 27 na auga icio ti mbeca nini makiria tondu ni cia mwingi.
Ekuirwa aya nimaregire nthitango icio na marekererua na bail ya mbeca variri 500,000 nginya million 1.5.
Ciira uyu ukagwetwa jumatatu yukite.
Kiumia kithiru Rigathe niwathitangirwe na mavitia mengi vamwe na ungumania mbere ya mucirithania Lawrence Mugambi varia arekererwe na bail ya mbeca variri million 12 vuva wa kuregana na nthitango ino.
Mbica irutitwe online
Njagi Ndathi
