Vuva wa thirikari kuvetukira ministry ya uthunthuria wa urimi KALRO kurekereria muthemba muceru wa vamba, riu arimi nimambiriritie kwona umithio wayo.
Aria maritie na Kimuri FM kuma Mbeere North maugite ukiringithania na vamba iria mararimaga vau kabere, mbegu ino Njeru ya BT cotton iroca kavinda kanini igikura na ni iravota gwitiria mirimu.
Catherine Ndegi, ni Murimi njorua wa vamba kuma mwena uyu.
Wega wa mumera uyu muceru wa vamba niukumitue ni mwene giti wa arimi ma vamba iturari ria Kanyuambora Joseph Nyaga uria ugwetete vata wa arimi gutonyerera urimiri wa vamba ino njeru.
Ndegi ongererete nakuga vamba iri matumiri mengi makiria thiini wa urithia wa nguku, mathivitariri na
Kunari uguo, kwina mathina maria arimi ma vamba mavitukagira.
Riu arimi aya nimauritie thirikari wa Kenya kumaririkana na kumava mbeu tene riria kimera gingi giakuviviria niguo mavote kurima na uvuthu.
Ni gikeno kuri arimi ma Mbere North gutigirira thirikari niyathikiriria mavataro mao na kumarumbuyia waro niguo mavote kugacirithia urimi wa mumera ucio. Ataramu maugite muthemba uyu muceru wa BT cotton wina uvoti wa gwika waaro maita mathatu ma mumera uria mararimaga vau kavere.
Maitha Ngari
