Mwikia umwe wa kura wa Kiambaa niathiite igotiri kuregana na kuthurwa kwa John Njuguna kithuranori kinini kia mumbunge.
George Thata Ndia akuruvanitie maumirira ma kithurano giki nimagumirwe ni wii wa kura varia Kariri Njama wa Jubilee airwe kura na John Njuguna wa kiama kia UDA agicinda.
Nthitango ino irakuruvania form cia 35B, 35A na mavitia ma kwongerera John Njuguna kura .
Ndia niathiite nambere kuuga avitha uria warugamiririte kithurano giki atumagira thimu yake kwaraniria na maavitha aria engi mai kithuranori giki.
Wauguo arauga maavitha amwe macenjagua ituori ciao mugaru na watho niguo mavote kwiia kura.
Kariri Njama egwatire kura ngiri mirongo iiri na imwe , magana mairi ma mirongo itandatu na ithatu nake John Njuguna wa UDA akigwatira ngiri mirongo iiri na imwe , magana mugwaja ma mirongo mugwaja na ithatu , maumirirari maria manirirwe ni ruvonge rwa kurugamirira ithurano na mivaka vururiri IEBC.
Mbica irutitwe online
Njagi Ndathi