Mumbunge wa Kapseret Oscar Sudi na uria ukoretwe akinyita mbaru munini wa raisi William Ruto augite ,Ruto niwarigiriritue gukorwa akithii vururiri wa Tanzania mbere ya avangite thavari yake ya Uganda iria itakinyanira .
Sudi uria wari umwe wa atongoria aria magakorwa magicera na munini wa raisi augite thavari ya Ruto yakanjirwe mathaari ma thaa ithano cia kirauko.
Akiaria na andiki a movoro kuma muciiri wake mwena wa Kapseret, Sudi augite wanavuva wa kwaraniria na maavitha vururiri wa Tanzania merirwe maranirie na ruvonge rwa ugendi thingirari wa iregi Nairobi.
Wauguo augite mavangite kuthii vururiri wa Tanzania mauma Uganda na vuva wa kwaraniria na maavitha vururiri wa Tanzania na kwirwa maranirie na nthingira wa iregi nivo mavangire kuthii vururiri wa Uganda na kuria Ruto arigirirue gwikinyia.
Sudi augite thavari ino ciari cia kwaririria maundu meggie wonjoria na anyiti itemi wonjoriari vamwe na ukuria wa matunda kuvitukira mutaratara wa kiriu.
Riu nuukumite itua ria minista wa ugitiri wa ndari ya vururiri Fred Matiang’i ria kwamurithia maavitha ruvongeri rwa uthami kurigiriria Ruto kuthii nambere na icera riake .
Wanja wa Njiru
Mbica irutitwe online
