Munini wa rais William Ruto niugite angikorwa agacagurwa ta mutongoria wa vururi ithuranori cia mwaka muku wa 2022, ndagaturira vata munini wake kana gukira agiturirwa gitio ni maavithaa engi a thirikari.
Akiria na mutambo umwe wa ukinyaniria kirauko kia umunthi augite ndagetikiria munini wake kuvitukira mathina maria ke akoretwe akivitukira.
Kavindari wa kau niugite matingirutithania wira na mutongoria wa kiama kia ODM niguo kugia utongoria wa mwaka muku varia augite wanathengia wa gukorwa ni arata, makoragwa na ngurani nene muno ya uria meetikitie maunduri ma uteti na wonjoria.
Wavo niukumite muungano wa One Kenya Alliance niundu wa kugeria kuvaragania miario ya guukiriria wonjoria kuvitukira kwambiriria kurumbuiya mundu uria wivaria nthi makiria, muvango uria uramenyekana ta bottom-up economic model.
Munini wa rais Ruto niugite niwavete rais mataro mama ma kwambiriria kurumbuiya uria uri varia nthi makiria mbere ya acio engi magakinyirwa, nwati mataro mama matianarutithua wira.
Mbica irutitwe online
-Mbuya Ngari-
