Maavitha a vorithi countiri ya Migori nimambiriritie uthuthuria vuva wa mwiritu umwe uria urai murutwa wa kirathi kia form four cukururi ya secondary ya Nyarongi Mixed Secondary School county nini ya Suna ya irathiro kwiruta mwoyo umunthi kirauko.
Munini wa cifu wa itura riri George Owiti augite murutwa uyu arai na miaka 20.
Owiti augite muthenya wa igoro mwiritu uyu niaronanagia agumiritwe ni meciria na aronanagia nwaeyurage na kwoguo niarekarirwe utuku mugima niarata ake niguo ndakerute mwoyo.
Kirauko ,mwiritu uyu niavirirwe kwi mwarimu uria akumutaraga metererete aciari ake mekinyie cukuru nwati riria mwarimu amutigire kavinda kanini athiite gutua mwathi, ang’airire nyombari cia kumama na eruta mwoyo na njira ya gwicuria agitumira nguo.
Munini uyu wa cifu athiite na mbere kuuga mwiritu uyu erutire mwoyo riria ciana iria ciingi igwikaga kigeranio.
Gitumi kia mwiritu uyu kwiruta mwoyo gitiicikene gukinyagia riu.
Mbica irutitwe online
Njagi Ndathi
