Marakara nimagumirite ekari a Kianjokoma gicigo mbunge kia Manyatta kauntiri ya Embu aria marurunganite makiorota maavitha a vorithi nigukorwa macangiririte ikuo cia anake airi aria ni mundu na muruwanyina aria maikiruo ngono muthenya wa Jumavili nundu wa gukorwa mari nja mathaa ma curfew mari makinyu.
Riu ekari matete nikwona maavitha a vorithi aria magirirwe ni kumagitira nio maracangirira andu gwiturura methori ni kururirwa ni endwa ao .
Kuringana na mca wa kithukio Martin Mwangi augite maavitha a vorithi aria marageerire ngero ino magirirwe gwocera ikinyo ria nevenya ria ki watho.
Wauguo ekari mauritie minista wa ugitiri wa ndari ya vururi kwingirira niguo kivoto kwonekana kuri andu a mucii wa anake aya
Benson Njiru wa miaka 22 na Emanuel Mutura wa miaka 19 monirwe mwico mari mwoyo tauniri ya Kianjokoma njumaviri utuku riria maikagua ngono ni maavithaa a vorithi.
Kuringana na rivoti iria itukinyirite ni ati marakara ma mwingi wa mwena ucio macungiririte kuvivua kwa ngari ya vorithi.
