Ruvonge rwa kumurika uruti wira wa maavitha a vorithi IPOA nimaambiriritie uthuthuria wa gukua kwa anake aria airi Benson Njiru wa miaka 22 na murwang’ina Emmanuel Mutura wa miaka 19, aria methirwe mari akuu vuva wa gwikua ngono ni vorithi mathaa ma mwiyugo kauntiri ya Embu.
Vuva wa ngero ino ekari mwena wa Kianjokoma nimararurunganire na kuvivia ngaari ya vorithi.
Riu IPOA marathuthuria maavithaa atano aria mekirie ngono anake ama na aria maugite makuire vuva wa gutuva kuuma ngaariri ino ya vorithi matekumenya.
Kuringana na mwenegiti wa IPOA nike Anne Makori, ni ati vuva wa uthuthuria gwikwa makinyo maria magiririkitwe magocwa kuringana na uthuthuria niguo gutigirira kivoto nigiakinyirika.
Itua riri riukite vuva wa atongoria kauntiri ino ya Embu na makiria a Manyatta gukuma ngero ino na kuuria uthuthuria wikwe.
Mbica irutitwe online
-Mbuya Ngari-
