Arimu atandatu a cukuru ya secondary ya Nyeri High School nimagwatitwe ni murimu wa covid-19.
Munene wa mootungata ma ugima wa mwiri county ya Nyeri Nelson Muriu augite arimu ikumi na atandatu nimo marathimirwe murimu uyu varia atandatu atheri maronekanire naguo.
Arimu ama mararigitirwa micii kwao tondu matiri ugwatiri muno.
Mweri muthiru Mwarimu umwe kuma cukururi ino niawakwire kumana na kiaria kerikuirwa gukorwa ni murimu uyu wa covid-19 guku wingi umwe akirika gukorwa akomete civitari nja ya county ino.
Ino ti cukuru ya mbere countiri ino gukorwa na andu arwaru murimu guku vururi, mweri wa kathatu mwaka uyu arutwa 4 kuma cukuru ya secondary ya eritu ya Bishop Gatimu Ngandu Girls High School nimagwatirwe ni murimu uyu.
Mweri wa gatandu tariki ikumi, arutwa 85 na mwarimu umwe kuma cukuru wa secondary wa Ngorano Mixed Day and Boarding wanamo nimonekanire na murimu uyu vuva wakuthimwa.
Mbica irutitwe online
Njagi Ndathi
