Igongona ria mitha ria kuvurukia mutigairi Margaret Mumbi Waweru rikikire muthenya wa umunthi kanithari wa Sacred Heart of Jesus prisons, Majimbo. Margaret akuire kuvitukira mutino wa varavara tariki 29 mweri muvituku. Igongona riri ritongorirue ni vatiri wa miceni ya Our Lady of Assumption Embu, Fr Jeremiah Kinyua na uria ukumitie Margaret niundu wa utongoria wake.
Fr Bernard Njeru nike uvunjirie varia aririkanirie etikia uvoro wigii gikuu akiuga niyo njira ya umwe wa cietu gucoka kwi mutumbi.Waringi niuririkanitie akristiano uvoro wigii kurumiriria sacramenti cia kanitha na gwata makiria iria ya Wamukiri.
Fr Bernard niwongererete ati gutungatira Ngai ti ukombo na mundu avatii kumutungatira aina wirutiri ta Margaret.
Margaret niukumitue kuuma miena ngurani niundu wa gukorwa ari mundu muvoi, mutana, wiina kiio na mwendi andu onthe na mwirutiri mawirari maria avewa. Margaret ari umwe wa ambiriria a kanitha wa Sacred Heart of Jesus prisons. Niutungatite iturwari ngurani cia kanitha.
Margaret akuite ari na miaka mirongo itandatu na atiga muthuri wake James Waweru,ciana inya na tucucu tutano.
Maitha Ngari
