Gitumi gia gukua kwa anake aria airi Benson Njiru Ndwiga wa miaka 22 na Emmanuel Mutura Ndwiga wa miaka 19, kiria kireragwa makuite vuva wa gutuva kuma ngaariri ya maavitha a vorithi ithiite, nigitecaniritue niundu wa post-mortem iria ikitwe ni civitari ya Embu level 5.
Kuringana na ithimi iria ciikitwe ni ataalamu athatu a kuthuthuria gitumi kia murimu kana gikuo aria ni Dr Martha Mwangi, Dr Ndegwa na Dr Doris Namu, ni ati anake ama airi monekanite gukua niundu wa kuunika mbaru na ndivangio cia kiongo iria ironekana icangiritwe ni gukunwa na kindu gituvu.
Gukua kwa mbeu mbithi ama nigucangirite mirurungana Embu varia ekari a Kianjokoma marorota maavitha a vorithi na kuuga nimo macungiririte gukua kwao.
Ino yukite wa riria ruvonge rwa kumurika uruti wira wa maavitha a vorithi IPOA ruthiite nambere na uthuthuria wao.
Mbica irutitwe online
-Mbuya Ngari-