Ministry ya ukui muthenya wa umunthi niyanirira ngaari cia ukui wa mwingi ni igetikirua gukua andu ngaari icurite kwambariria Jumatatu tariki kenda mweri uyu wa kanana.
Akiaria na andiki a movoro nyombari ya Transcom ,Nairobi mutethereria wa minista wa ukui Chris Obure augite ministry ya ukui niigucanirite kuregeria mamwe ma mawatho maria makoretwe sectari ino.
Obure wavo augite nimegucanirite na anyiti itemi sectari ya ukui niguo gutigirira athiyi niagitire kuumana na gutamba kwa murimu wa Covid 19 na mithemba ngurani ya virus cia corona .
Wauguo mawatho nimekiritwe maria makarumagirirwa ari vamwe na gutigirira ngaari nicia thambua na kuvuvirua na agendi magatumagira sanitizer mbere ya matonyete ngariri.
Agendi onthe magakorwa mekirite ngunika kanua na maniuru nacio SACCO cia ngari ciagirirwe gukorwa na thermo gun ya kuthima urugari wa athiyi mbere ya matonyete ngariri na angikorwa urugari ni makiria ma degree 37.5 kithimi giki gigacokagirwa, ino ni kuringana na Edwin Mukabanah, uria ni mwenegiti wa Association of Bus Operators.
Wanja wa Njiru
Mbica irutitwe online
