Andu 1,205 nimonekanite na murimu covid-19 umunthi vuva wa ithimi 8,158 gwikwa rungu rwa mathaa 24 mavituku kiria ni gicunji kia 14.8 vari igana.
Akenya ni 1,175 namo 30 maumite nja ya vururi, anduarume ni 622 namo atumia mari 583. Uria munini muno ni mwana wa mieri 6 nake uria mukuru muno ari na miaka 100.
Namba ya aria monekanite na murimu uyu ikinyite andu 211,028 nacio ithimi iria ciikitwe gukinyagia riu ni 2,184,276.
Kaunti ya Nairobi niyo itongoretie na arwaru 453, Kiambu 92, Nyeri 77, Nakuru 70, Murang’a 55, Kajiado 44, Uasin Gishu na Machakos 38 wa kaunti, Nyandarua 32, Makueni 30, Garissa 28, Kirinyaga 27, Baringo 26, Kilifi 25, Mombasa 24, Kitui 20, Busia 16, Embu na Meru 14 wa kaunti, Migori 10, Siaya na Kericho 9 wa kaunti, Narok 7, Nandi 6, Nyamira, Lamu, Kakamega na Taita Taveta 5 wa kaunti, Laikipia na Homa Bay 4 wa kaunti, Kisii 3, Kisumu 2 nacio kaunti cia Kwale, Mandera, Trans nzoia, Wajir, Bomet, Bungoma, Elgeyo Marakwet na Isiolo mundu umwe wa kaunti.
Undu wa kieva ni ati andu 29 nimatoretue ni murimu uyu varia aria makuite riu makinyite 4,117.
Wa gikeno ni ati andu 1,242 nimavorete varia 1,069 marari muvangori wa kumenyererwa mari micii namo 173 marari civitariri itiganite, andu aria riu mavorete ni 197,029.
Mwenari wigie njanjo, gukinyagia igoro njanjo 1,793,520 nicio ivecanitwe vururiri uyu varia njanjo cia mbere iria ivecanitwe ni 1,097,830 nayo ya kairi ivecanitwe njanjo 695,690.
Mbica irutitwe online
-Mbuya Ngari-
