Niguo wa itura rikure na njira iria yagiririkite andu iturari riu nimavatarikaga kwirutaniria wirari wao. Kunari uguo ekari a itura ria Maramuri wardiri ya Makima kauntiri ya Embu nimairutaniritie nwati kwirutaniria kwao nigukunitwe kiongo na gucokua vuva.
Makiaria na kameme ga Kimuri fm maugite nimaambiriritie mbiacara varia MCA Philip Nzangi wao ameriririte kumaretera mwigunyi niguo wira uruti nwati undu uyu nduvingite. Nimamuritie kumaretera gi-shade niguo wira wao uvote kuthii nambere.
Wavo maugite nigue mbiacara ciao ithereme nimaravara thitima na uguo kuuria atongoria ao kumaretera thitima na wavo kumathondekera varavara cia gutonya maturari niundu njira ino itivitukaga kwaura.
Nimathiite nambere kuuria mathondekerwe ndaraca ya gukirira ciana ciao riria ithiite cukuru niguo kumaruta ugwatire wa gutwarua ni manji kwaura.
Kunari uguo nimamucokeretie ngatho niundu wa kumeekirira maramu varavara iria nene na kuuria wana rami meekirirwe. Riu ni mwivoko wao maundu mama magatwika makuvingua.
-Mbuya Ngari-
