Ruvonge rwa kuramata mivaka na ithurano IEBC nurucavithitie kimenyithia ngathitiri kia mbeca iria avuraniri a iturwa itiganite vamwe na ciama cia giuteti mavatie gutumira thiini wa kampeni cia kithurano kia mwaka muku.
Thiini wa kimenyithia giki kiria gicavithitue umunthi tariki 9 mweri wa kanana mwaka wa 2021 muvuraniri wa giturwa kia uraisi etikiritue gutumira billion 4.4 thiini wa kampeni .
Nao aria maramereria mata iturwa cia ngavana ,seneta na murungamiriri wa atumia wanao mari na mbeca iria magirirwe gutumira kampiniri , varia kaunti ya Turakana itikiritue gutumira million 123 , ikirumirirwa ni Nairobi varia avuraniri metikiritue gutumira million 117 na Marsabit million 114.
Nacio ciama cia giuteti ciitikiritue gutumira billion 17 varia mbeca ino citikiritue gukorwa igitumika kuriva kuria micemanio ya kampeni irekikira, indo iria iravatarika thiini wa kampeni , gucavithia imenyithia kana kuvecena ugitiri wana kana mwena wa ukui .
Wanja wa Njiru
Mbica irutitwe online
