Wa riria ngaari cia ukui wa mwingi ciambiriria gukua ciicurite umunthi, akenya nimagaukanite niundu wa itua riri ria thirikari varia amwe marauga itua riri nirigucangira vanene kwongerereka kwa murimu wa covid-19.
Ino yukite wariria navau kavere athii amwe na atungati ngaari ino cia mwingi matararumirira makinyo maria mekiritwe ma kurua na murimu uyu, undu uria uumbuthurite ciuria cia uria riu makavota kurumirira makinyo mama ngaari ciambiriritie gukua ciicurite.
Itua riri niritumite amwe kwendekithia tigiti kunyivua nwati undu uyu ukareganwa naguo ni ene ngaari imwe makiuga maguta nimavandu na uguo tigiti ndungigua.
Thirikari niivecanite mukana ati wana gukorwa ngaari ino nicietikirua gukua ciicurite, aria matakarumirira makinyo ta makuthima urugari, kuvuvirira ngaari ciao magacucwa marua ciao cia kuruta wira.
Mbica irutitwe online
-Mbuya Ngari-
