Ngwataniro ni kindu kiaro muno, na andu managwatanira maundu manene nimekikakiga na uvuthu muno.
Ino ni miario ya Vatiri Paul Kinyua wa Parish ya muthure Joseph Mukasa Mbiruri magikunguira ngwataniro ya akristo a ivoero ria mbiruri iria imavotithitie gutuma kanitha yao.
Vatiri Kinyua athiite na mbere kuuga mambura ta mama ma kuricanira na gukunguira vamwe kwa akristo gukathomia ciana nini vata munene wa gwika maundu na ngwataniro undu uria unyititwe nbaru ni mwigi kigina wa kanitha ino varia mugite ciana nini nikathoma kumana nao uria magatigwa magitwaraga kanitha na mbere na kurata wira na urumwe.
Wauguo niaugite kuruta wira na ngwataniro kanithari ni kionereria kiega kuri mwingi tondu mwingi ukona umithio wa ngwataniro na wanao mambiririe kugwatanira.
Mwenegiti wa kanitha ino Patrick Mwaniki Gakuanyi niaugite mambura mama marai magocokeria akristo ngatho na aina witikio nimagwikira akristo vinya wa kuthii na mbere na waki wa kanitha tondu makona kiio kiao nikironekana gigatugirwa.
Mambura mama mekikire muthenya wa igoro kanitthari wa Mbiruri.
Mbica irutitwe online
Njagi Ndathi
