Kumenyana kuvitukira mutambo wa Kimuri Fm niundu ukenetie mashambiki a kameme gaka , nwati matitiramirite vau tu nwamathiite nambere na kumenyana makiria thiini wa mucemanio wao.
Makiaria vindi ya mucemanio muthenya wa Jumamosi uria wekikire kanithari wa athure Peter na Paul Karurina kauntiri ya Embu , maugite matingitara ngarama ya thavari ndaca niguo mamatie ndugu yao makiria.
Wauguo nimacokeretie ngatho kameme ga Kimuri Fm nikumanyitithania varia makumitie ngwataniro magite na andu kuuma miena ngurani ta kaunti cia Kirinyaga na Muranga.
Mwenari wao atongoria a gikundi giki kia mashambiki matongoretue ni mwenegiti David Muchangi uria wicikene muno ta Wamwanya nucokeretie ngatho mashambiki nigwikinyia mucemaniori na gukorwa na ngwtaniro mbega.
Nao aria matanavota gwikinyia mucemaniori uyu nimauritue kurega kuvitua ni mwago uyu ringi na kwivanga kuri na kavida niguo mekinyie mucemaniori uyu
Mucemanio wa mweri muku uvangiritwe gugekika tariki 4 mweri wa kenda mwaka wa 2021.
Wanja wa Njiru
