Aruti wira a thirikari aria makurega kumundwa njanjo ya Covid 19 nimagukorwa magiocerwa ikinyo .
Kuringana na ndumiriri kuma kuri murungamiriri wa ruvonge rwa uruti wira wa mwingi Joseph Kinyua ,aruti wira a thirikari magirirwe gukorwa mamuditwe njanjo ya Covid 19 ikiuga ikinye tariki 23 mweri wa kanana.
Aria magakorwa matamuditwe, igikinya tariki iyo magocerwa makinyo nundu wa kwagarara watho uyu.
Wauguo Kinyua augite andu anini kwiyumiria kumudwa njanjo ino nigucangiririte mathina ruvongeri rwa uruti wira wa mwingi.
Kwirikite gukoretwe kwina namba nini ya aria mamuditwe njanjo ya covid 19 aria ni aruti wira a thirikari nvongeri cia ugitiri na kithomo .
Wavo ndumiriri ino yugite amwe a aruti wira makoretwe makithitha matikamudwe njonjo niguo marutire wira kuuma micii yao.
Kunari uguo njanjo , million imwe ngiri magana manana ma inya na magana mathatu ma mirongo mugwanja na ithano niivecanitwe vururiri ,varia dose ya mbere ni million imwe ngiri igana rimwe ria ithano na magana manna ma mirongo mugwanja nayo dose ya kairi iri ngiri magana matandatu ma mirongo kenda na inyanya magana kenda ma ithano.
Wanja wa Njiru
Mbica irutitwe online
