Namba ya aria manyitikanite na murimu wa covid 19 vururiri ikinyite ngiri magana mairi ma ikumi na athatu , magana mugwaja ma mirongo itano na atandatu ino ni vuva wa andu ngiri imwe , igana rimwe ria mirongo inana na athatu kuonekana na murimu wa covid 19 kuma kuri ithimi ngiri inyanya , igana rimwe ria mirongo inna na anana iria ciikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 14.5 vari igana.
Kuringana na ndumiriri iria ivecanitwe muthenya wa umunthi kaunti iria ciandikithitie aruaru kaunti ya Nairobi nio itongoretie na aruaru 442 ikirumirirua ni Naikuru na aruaru 91,Kiambu 85, Mombasa 76, Kilifi 58, Kirinyaga 46, Nyeri 44, Uasin Gishu 35, Turkana 30, Nyandarua 29, Embu 21, Kitui 19, Siaya 17, Murang’a 15, Marsabit 13, Kajiado 13, Busia 12, Makueni 12, Kwale 11, Garissa 9, Bungoma 7, Kakamega 7, Kericho 7, Kisii 7, Machakos 7, Narok 7, Nandi 7, Taita Taveta 7, Bomet 5, Elgeyo Marakwet 5, Trans Nzoia 5, Homa Bay 5, Kisumu 5, Isiolo 4, Wajir 4, Tharaka Nithi 4, Laikipia 2, Mandera 2, West Pokot 2, Meru 2, Samburu 1, Tana River 1, Vihiga 1 na Baringo 1.
Kuma kuri namba ya umunthi akenya ni ngiri imwe, igana rimwe ria mirongo iiri na athatu nao 60 maumite nja ya vururiri ,593 ni anduarume nao 590 ni atumia uria munini muno ni mwana wa mweri umwe nake uria mukuru muno aina ukuru wa miaka 98.
Woguo andu ngiri imwe , magana mathatu ma ikumi na anana nimavorete muthenya wa umunthi na gukiinyia namba ya aria mavorete vururiri iri ngiri igana rimwe ria mirongo kenda na anana , magana mugwaja ma mirongo inana na atandatu.
Namba ya ikuo vururiri yambatirite ngiri inya , magana mairi ma ikumi na imwe ino ni vuva wa ikuo 32 kwanirirua muthenya wa umunthi varia ikuo 31 cikikite vari mathaa mirongo iiri na manna mavituku na ikuo ithatu ikiripotwa iri ikuo iria icererete kwanirirua iria ciekikire mieri itiganite mivituku.
Mbica irutitwe online
Mwende Jackie
