Muthenya watuka gakoragwa kari kavida kega ka andu kunogoka na kurikiriria muthenya wao ,nwati kuri ekari a rwanga Mbeere ya Itherero kauntiri ya Embu gitangiko kiao ni vindi kiambagiriria nitondu thitima guku ni rugano nduma ya utuku ikimaumiria muturire .
Kuringana na Beatrice Nzaumi augite ciana niiremetwe kuthoma utuku wakinya nikwona gutiri na utheri mangitumira undu uracokia na vuva mathomo mao .
Thina uyu wa gutura thitima uthiite nambere na kunanga njara mbeu mbithi na onjoria mbiashara iria ivataraga thitima niguo ithiyi nambere .
Mbeu mbithi matongoretue ni Munene Njiru uria ni mwikari guku maugite mari na mathomo ma gucinirira na thitima nwati matingiambiriria mbiashara ino guku.
Riu ekari a Rwanga marakaira atongoria ao kumaririkana niguo utheri wonekane guku utuku vamwe na kunyitirirwa na miradi ya uthiyi wanambere .
Kunari uguo MCA wa guku Muriithi Kiura augite muradi wa thitima urumbuagua ni thirikari nene
Wanja wa Njiru
Mbica irutitwe online
