Ambunge nimareganite na rivoti iria icavithitue ngathitiri ni ruvonge rwa kuramata ithurano na mivaka IEBC ya mbeca iria avuraniri a iturwa ngurani magirirwe gutumira thiini wa kampeni ciao.
Amemba thiini wa kamiti ya mwanya thiini wa mbunge ya vururiri nimareganite na watho uria uvecanitwe varia morotete IEBC nigukorwa matuite itua na njira iria itagiririkite.
Matongoretue ni munini wa mwenegiti Charles Njagagua maugite IEBC irenda kwonania mbica njuku ya ambunge nundu wa kurega kuvitukia watho uyu uria ucavithitue wi mucerithirie.
Kunari uguo IEBC maugite nimarumirire watho uria wagiriririte nigukorwa nimaraniritie na kamiti ya ivoto na watho.
Mwenegiti wa IEBC Wafula Chebukati augite mworoto wao wa gucavithia kimenyithia giki ndwari na itanya ria kuvurithania mwingi na ambunge, varia aurite unyitaniri niguo kithurano gikike na njira ya umma na waragania .
Muthenya wa Jumatatu IEBC nimacavithirie kimenyithia ngathitiri gikiereithia mwigana wa mbeca iria avuraniri a iturwa cia uteti magirirwe nigutumira kampeniri cia mwaka wa 2022.
Wanja wa Njiru
Mbica irutitwe online
