Murangiri kithiiri gia kauwa kia Kiangoi kauntiri ya Nyamira nuragitwe na kauwa ka mwigana wa ngiri 800,000 kwiwa , vuva wa eki nai kutharikira kithii giki utuku wa igoro.
Murangiri uria urakuire arai umwe wa arangiri athatu aria maramatagia ugitiri kithiiri giki.
Mundumurume uyu akuire akiamukira urigiti thivitariri ya Nyabondo Mission kauntiri ya Kisumu.
Arangiri aya athatu maratharikirwe ni eki nai aria marethaite na matharata varia maramoverere vamwe na kumariva.
Kaunty komishina Amos Mariba niwikirite kirore giko giki varia augite arangiri acio engi airi mari thivitari nwati nwamathiite nambere kwigua wega.
Wauguo Mariba augite namba ya eki nai aya ndimenyekanite gukinyagia riu, nwati eririte nimathiite na mbere na gwika uthuthuria na kumatia ugitiri niguo kurigiriria ciiko ta ino.
Wanja wa Njiru
Mbica irutitwe online
