Ugendi njirari ya kuma Nairobi kuthii Mombasa niurarugamite gwa kavinda kururumirira mururungano wa mwingi wa Bangladesh ugikaira thirikari niundu wa gutura mai gwa kavinda karaca.
Mururungano uyu urai wa atumia na eritu aria maravingite njira magitumira mitungi na matangi.
Maavitha a vorithi matumire gas ya kuruta methori kuagaukania mwingi uria urecuritwe ni marakara.
Ekari aya maugite maturite mai gwa kavinda ka ciumia igiri riu kurumirira kuthukangua kwa miverethi ya mai njira ikithondekwa.
Nimathiite na mbere kuuga matikoretwe makithaba gwa kavinda kau ka ciumia igiri na wauguo ciana irathii cukuru itethambite kana kuria kindu tu nginya mai ma kuruga matingioneka.
Maugite kwiina mundu urerutirite kumatithia na mai wa muthenya lori ithano nwati niatigite kumavirira mai niundu wa kuthuka kwa njira ya Mariakani.
Diana Odhiambo uria ni mwikali wa itura riri augite nginya muthuri wake uria urai manager niekurukitwe ngathi niundu wa kununga giko wirari undu uria uretetwe ni wagi uyu wa mai.
Mbica irutitwe online
Njagi Ndathi
