Munene wa nthitango cia mwingi Noordin Haji riu niuritie igoti rimuve kavinda makiria niguo kuroria ringi ciira cia dam cia Arror na Kimwarer.
Haji niwirite igoti kuvitukira kwi mutarani wa magoti Taib Ali Taib, niwamukirite mavoya kuma kuri athitangwa a ciira uyu makienda mavitia mao marorue uceru.
Atano a aria mari fairori iria inenganirwe umunthi kirauko ni vamwe na Esther Jepchirchir, Isaac Kiiru, Geoffrey Mwangi, David Walunya na Boniface Mamboleo.
Kunari uguo, wakiri Katwa Kigen niureganite na ivoya ria Haji na auga thirikari niiracerithiria ciira uyu uria wakinyirwe igotiri mwaka wa 2018.
Kigen niathiire na mbere kuria igoti ritue muthenya wa kuthikirirua gwa ciira uyu na angikorwa kurina ugaruruku wa wonthe urenda gwikwa ni mbari ya nthitango, wikwe mbere ya muthenya wa kuthikirirua gwa ciira uyu.
Mucirithania munene wa igoti ria Milimani Felix Kombo niuvere mbari ya nthitango nginya tariki 29/09/2021 mauke na itua rikinyaniru iguru ria aria makuthitangwa na aria makurutwa ciirari uyu.
Uria wari munene wa Kerio Valley Development Authority (KVDA) David Kimosop vamwe na engi anana nimakinyirwe igotiri na makithitangwa na ungumania iguru ria dam ino igiri iria ciari ivuthire billion 50 nwati niureganire na nthitango hiyo vamwe na ingi ya utumiri mucuku wa ovici cia mwingi.
Mbica irutitwe online
Njagi Ndathi
