Mucemanio wa wathani wa matura uria wikikaga wa mwaka riu ugekikaga rita rimwe vai miaka iri.
Makiaria na andiki a movoro mai Delta House Nairobi, munini wa mwenegiti wa kiama kia magavana guku vururiri James Ongwae vamwe na atongoria engi a kiama kiu nimaugite itua riri riukite niguo magavana makoragwe na kavinda keganu ga kuvingia maundu maria maragiriria micemaniori ino.
Ongwae niathiite na mbere kuuga mwaka umwe ni munini muno wa kuvingia maundu maria maragia na maria mathomaga micemaniori ino.
Atongoria aya nimathiire na mbere kuuga mucemanio wa mwaka uyu wa kanju ya magavana ugekika cukururi wa Makueni High School kwambiriria tariki 23/08/2021 nginya tariki 26/08/2021 na watho wa ruvonge rwa ugima wa mwiri niukarumirirwa niguo kwigita na murimu wa covid-19.
Mwigana wa andu aria makathii mucemaniori uyu niunyivitwe kuma kwi 6,000 nginya 1,000 na aria makathii mucemaniori uyu nwanginya makorwe na wiira wa kwonania nimacanjitwe na maratathi ma ithimi cia kwonania matiri na murimi wa covid-19.
Mbica irutitwe online
Njagi Ndathi
