Munini wa rais Dagitari William ruto niatumite ndumiriri ya gucakaya ikuu Benson Njiru na Emmanuel Mutura kuma mwena wa Kiajokoma iria ciriga gukuira njarariri cia mavithaa a vorithi.
Kuvitukira ndumiriri yake iria ithometwe ni ni speaker wa mbunge ya Kivuririi, Justin Muturi, munini wa rais niugwetete imwana ino ta imwana irerurite gutigirira niciagacaria mituririre yao kuvitukira kuruta wira na kio.
Ruto niathiite na mbere kuria maavitha aria makethirwa na mavitia ma kuruga ciana ino mocerwe makinyo ma watho na kivoto kwi mucii wa Ndwiga Kamunyoti na mucii waa Kimathi uria wauragirwe ni mavithaa a vorithi indi ya mururugano tauniri ya Kiajokoma.
Mwenari wake agitongoria igongona riri muthikavu wa kanitha Gatoleki Deociri ya Embu Paul Kariuki nicakaite imwana ino na kuga imwana ino ni ireigite na njira ya ukiristo kwona nike avere kimwana kimwe cakaramenti ya yumiriria.
Waguo muthikavu niakumite giko giki na kuria maavithaa vorithi gukorwa na wigiririki wirari wao na auria thirikari gucejia njira iria matumagira kuandi maavitha a vorithi wira.
Mbica irutitwe online
Njagi Ndathi
