Kiganda kia uthondeki wa riera ria Oxygen gia Hewatele gikoretwe gikiongerera uthodeki wa riera riri maita mathatu mwaka uyu gukira uria mathadokega navau kavere nundu wa kwongerereka gwa kuvatarika kwa Oxygen ni aruara a Covid 19. Ino ni kuringana na kampuni ino.
Kuvatarika kwa riera riri kwambatirite nginyagia tonnes 880 kuma kuri tonne 410 iria ciavatarikaga mbere ya kingoki gia Covid 19.
Ino yukite wariria vururi urarua na mututhuko wa kanna wa murimu wa Covid 19 undu utigite mathivitari na iringa rinene.
Kuringana na mwambiriria wa kampuni ino Bernard Olayo augite vururi nduri na uvoti wa kumenyerera aruaru 2,000 aria maravatara riera ria oxygen rita rimwe noguo kwendekithia undu uyu kurorua nevenya.
Wauguo Olayo augite nimatanyite kwongerera uthondeki wa riera riri ria Oxygen magitumira dollar million 3.5 niguo kuthodeka tonnes 2 wa muthenya mwaka ugikinya muthia .
Wanja wa Njiru
Mbica irutitwe online
