Minista wa ugitiri wa ndari ya vururi Fred Matiang’i nuvecanite itumi iria ciacangirire Harun Aydin kuma vururi wa Turkey gucokua vururi ucio vuva wa gukinya vururi wa Kenya.
Matiang’i ari mbere ya National Assembly’s Departmental Committee augite uthuthuria uria wikitwe wa Aydin gukorwa agitonya na kuma vururiri niwonanitie nukoretwe akinyitanira na andu amwe aria marakuruvanua na kugia mbeca na njira cia ngungo.
Kuringana na Matiang’i ,Aydin niwecuritie marua ma kumwitikiria kwigithia na kuruta wira thiini wa kirathi kia G tariki 24 mwaka wa 2020 varia augite thiini wa kirathi giki mundu etikagirua kurutira wira vururiri na kurumirira mawatho ma vururi wa Kenya.
Wauguo augite thirikari ya vururi wa Kenya nimanyitanire na nvonge ngurani cia ugitiri thiini wa vururi ngurani iria Aydin akoretwe agicera na nivo mamenyire nuranyitanira na andu magicaga mbeca na njira cia ngungo .
Tariki 7 mweri wa kanana munini wa raisi William Ruto, mutambori wa ukinyaniria wa kiriu wa Twitter niwaugire Aydin uria mai macere nake vururiri wa Uganda nikwa amurikagwa ni thirikari nundu wa gukorwa akinyitanira nake.
Wanja wa Njiru
Mbica irutitwe online
