Mutongoria wa kiama kia ODM Raila Odinga nureganite na riedekithia ria gukiriria utonga wa vururi kwambiria na nthi kuthii iguru niyo bottom up akiuga aria maredekithia undu uyu nikwa maravitithia mbeu mbithi.
Akiaria ari muciiri wa muvici wa mutigairi Nginyo Kariuki augite undu uria ungiukiria utonga wa vururi, ni thirikari gwikirira thiini wa onjoria na aigithia aria mari vururiri makiria gukira aria marauma nja ya vururi .
Itigarite mieri 11 niguo kithurano gia tariki 9 mweri wa kanana mwaka wa 2022 gikinye ,uteti nwauthite na mbere na gwikirirua varia maundu ma utonga wa vururi makoretwe makimurikwa muno.
Odinga wauguo augite thiini wa kavida gake utongoriari mari na uria wari rais Mwai Kibaki nimanyitanire gutigirira utonga wa vururi nuraukirira.
Miario yake ikionekana gukorwa yerekeretwe kuri munini wa raisi William Ruto uria urakoretwe akiuria ari maracidana nake kithuranori kia mwaka 2022 kwonania maundu maria magekirira gukiriria utonga wa vururi.
Wanja wa Njiru
Mbica irutitwe online
