Athathauri a maundu ma uteti na ikundi cia ivoto cia umundu nimanyitite mbaru rivoti iria ivecanitwe ni vururi wa Sudan makiuga nimakuvecana uria wari raisi wa vururi ucio Omar Bashir kuri igoti ria International Criminal Court ICC.
Bashir aravatarika igotiri riri nundu wa wiki nai uria wekikire mwena wa Darfur.
Maavitha ngurani kuma vururi wa Sudan nimaugite vururi uyu nugukorwa ukivecana Bashir igotiri ria ICC wanagukorwa itua ria muthia rikamurwa ni kanju iria ii wathaniri na iria iri na maavitha a mbiraru na raiya.
Kuringana na mutongoria wa Horn Institute of Strategies Studies Hassan Khannenje augite Bashir kuvecanwa igotiri ria ICC nigugutethereria vururi wa Sudan kuthii nambere
Mucirithania munene igotiri ria ICC Karim Khan uria uracerete vururi wa Sudan kiumiari giki augite thirikari ya vururi uyu niyagirirwe ni kunyitanira na igoti.
Igoti ria ICC mwaka wa 2009 niriathitangire Bashir na mavitia ma gucangirira mbara na wiki nai na ikuo cia andu engi wanagukorwa nureganite na nthitango ino .
Wanja wa Njiru
Mbica irutitwe online
