Maavitha 8 a ruvonge rwa kuramata ithurano na mivaka IEBC nimatugitwe nundu wa gutigirira ithurano nini iria ciikikite miena ngurani vururiri niciatwarithirue nambere na wigiririki .
Anana aya aria ni returning na presiding officers kwirikite nimakorirwe magitivangua na gukirirwa ni ateti nwati makithii nambere na kurungamirira ithurano nginyagia muthia.
Gatagati ka maavitha aria matugitwe ni Mwanajuma Mwarongo uri wari munini wa presiding officer thiini wa gituo gia gwikiria kuura kia Mwakigwena kithuranori kinini Msambweni kiria giekikire tariki 15 mweri wa Desemba mwaka wa 2020.
Mwarongo augite vuva wa gutara kuura meguire murathukio wa mucinga nwati riari riera ria kuruta methori , varia atengerire na maratathi ma wikia kuura na kwamarira agicokereria kuthiyi na mbere na gutara kuura .
Too Kipkorir David, Presiding Officer, Milimani Nakuru West wanake augite niwacemanirie na thagathaga vindi ya kithurano kinini wardiri ya London.
Carol Mueni Kimeu, presiding officer Jomo Kenyatta nake atharikirwe ni anaduarume atano makimwamurithia atare kuura ciingi .
Engi macemanirie na maurito ni Conrad Ochego, Nancy Wangari, Peter Juma Okura, Maureen Naliaka Lusambu, na Godfrey Mosota.
Wanja wa Njiru
Mbica irutitwe online
