Inspecta munene wa vorithi Hillary Mutyambai niaugite maavitha onthe a vorithi aria marekuirwa gukorwa manyitire itemi thiini wa ikuu cia nthaka igiri kuma Kianjokoma countiri ya Embu riu nimarugamitue wira na meterere gukinywa igotiri.
Mutyambai kuvitukira rurenda rwake rwa twitter augite Independent Police Oversight Authority (IPOA) riu nimarikitie uthuthuria wao na mava munene wa nthitango cia mwingi oni wao niguo avingurire maavitha aya nthitango.
Niathiite na mbere kuuga uma na kivoto kia nthaka ino nwanginya kioneke.
Kituo kia vorithi kia Manyatta kiambiririe kumurikwa ciumia igiri nthiru vuva wa gwikuirwa nthaka ino cia kwirire njarari cia maavitha a gituo giki vuva wa gwikwa ngono niundu wa kwagarara watho wa mwiyugo.
Ikuu cia nthaka ino ciacungirire mirurungano minene mwena wa kianjokoma mwingi ugikuma ikuu ino iria metikitie cia cungirirwe ni maavitha a vorithi. Mirurungano ino niacungirire ngari ya vorithi kuvivwa na wauguo gikuu kia mwanake umwe uria warathirwe ni maavitha a vorithi.
Mbica irutitwe online
Njagi Ndathi
