Raisi Uhuru Kenyatta muthenya wa umunthi nukarivithitie akenya aria mandikithirie uvotani thiini wa Tokyo 2020 Olympics varia anirire nimakurivwa million imwe aria macidire gold, ngiri 750,000 kuri avotani a silver na ngiri 500,000 kuri aria magire Bronze.
Itua ria raisi riukite vuva wa andu engi gukorwa makimurika uria thirikari itakarivithia na njira iria yagiririkite athaki aria marungamagirira vururi wa Kenya thiini wa Olympics .
Mucemanio uyu wikikire nthingirari wa iregi varia raisi anirire kumava uniform ya ngiri 200,000 kuria athaki onthe na atongoria ao.
Raisi wa vururi wa Uganda Yoweri Museveni niwakorirwe agituga athaki varia anirire makarivagwa mbeca wa mweri na gutumira nyomba aciari a avotani kuma vururiri wa Uganda.
Wavo numacokeretie ngatho nundu wa gukiriria vendera ya Kenya na kureta uvotani utumite vururi wa Kenya gukorwa mari a mbere gitaruri kia Africa nundu wa nthumbi iria magite.
Wauguo ni uritie nvonge cia mithako gutigirira uvotani uyu nwaukuthii nambere na kwonekana .
Wanja wa Njiru
Mbica irutitwe online
