Maavitha atandatu a vorithi aria mekuiritwe kuraga imwana igiri mwena wa Kianjokoma kauntiri ya Embu nimathii nambere kuvingirua vari kavida ka mithenya 14 niguo uthuthuria urike gwikwa .
Atandatu aya Corporal Consolata Kariuki, Constable Martin Wanyama,Corporal Benson Mbuthia ,constable James Mwaniki ,constable Lilian Cherono na constable Nicholas Sang makinyirue mbere ya igoti ria Milimani muthenya wa umunthi .
Maavitha aya aria matiramitue wira nimavingirwa stationiri ya vorithi ya Capitol hill .
Mwena wa nthitango utongoretue ni Lydia Nyamosi uredekithitie maavitha aya kuvingirwa vari kavida ka mithenya 14 niguo uthuthuria ukorwe urikite gwikwa.
Inspecta general wa vorithi Hillary Mutyambai niwavecanite ndumiriri akiuga ruvonge rwa kuramata uruti wira wa maavitha a vorithi IPOA nimarikitie uthuthuria na kuvecana kuri mutongoria wa nthitango cia mwingi .
Benson Njiru na Emmanuel Mutura maikirue ngono nundu wa kwagarara watho wa mwiugo tariki 1 mweri wa kanana na vuva wa gwikua ngono miiri yao yakorirue mocari ya Embu level 5.
Ithe wa anake aya John Ndwiga augite ndari na nganja ikuo cia ciana ciake ciacangirirwe ni maavitha a vorithi .
Wanja wa Njiru
Mbica irutitwe online
