Vururi wa Kenya niwamukirite utethio wa njanjo 407,000 muthemba wa AstraZeneca kuma vururiri wa ngeretha.
Mwigana wa njanjo iria Kenya yamukireti kuma kuri thirikari ino ya ngeretha riu ikinyite 817,000.
Njanjo ino iria irakinyirue vururiri kuvitukira ruvonge rwa UNICEF iramukirwe ni maavitha a ruvonge rwa ugima wa mwiri matongoretwe ni dagitari Patrick Amoth, commissioner munene wa ngeretha Kenya Julius Court, murungamiriri wa maundu ma ugima wa mwiri ruvongeri rwa UNICEF Yaron Wolman na mutaaramu wa muungano wa ugima wa mwiri nthi ng’ima (WHO) Sergon Kibet.
Dagitari Amoth augite njanjo ino niigutethereria gukinyaniria mworoto wa thirikari wa gucanja andu agima million 10 mbere ya December ya mwaka uyu wa 2021.
Mwenari wake Julius Court augite njanjo ino ni imwe cia njanjo million 100 iria vururi wa ngeretha merutire kuvecana mavururiri ngurani nthi ng’ima.
Mbica irutitwe online
Njagi Ndathi
